أدعي علي بالموت ولا سمني

بس لاتفارقني دخيل الله وتغيب

طاري السفر يابعد عمري همني

شلون أودع بالمطار أغلي حبيب

تعال قبل تروح عني ضمني

يا اقرب من أنفاسي ترى حالي صعيب

أبنتثر قدام عينك لمني

وأبي أسألك هل نلتقي عما قريب

نسيت حتى اسمي دخيلك سمني

باللي تسميني البيلك واجيك

مجنون عاقل ماعلي من لامني

انا مع نفسي واحس اني غريب

الحظ لو فر للأسف ما عمني

ما عمني غير بعذابي والنحيب

يسألني عنك العطر من بيشمني

من قلت بتسافر همل دمعه سكيب

اسكن عيوني يالغلا وجفوني تغمض عليك

خذ ماتشاء من دنيتي بس لاتقلل من غلاك

لويعذلوني كلهم ماسمع كلام الناس فيك

انت الغلا وانت الهوا وانت الجوا وانت الملا

شوفتك في الدنيا معي وابيع غيرك واشتريك

انت الوحيد بناظري ماترقب عيوني سواك

دارك لليل العاشقين روحي مع النشوا تجيك

تتحرك غصون الهوا في خافقي بنفحة هواك

محبتي لك صادقه من كل قلبي احتويك

واحلى الليالي في العمر قضيتها وانا معاك

مالك شريك بالحسن في خافقي مالك شريك

كلمة احبك قلتها يايزينها وهي من شفااك

انت المنى وانت الهنى وانت على روحي مليك

شوفتك تجلب راحتي وبعدك عن عيوني هلاك

حتى ولو جالس معي اسج بك واوله عليك

كلمة غلى لو جابها غيري تمثل لي غلاك

اشِكي عليك الحال يا عارف الحال
ولوما بيدك شي يكفيلك اشكي

يكفي تروح بكلمتك ضيقه البال
و يكفي تحس بضيقتي دون ما احكي

ساعات احس اني عن الناس في حال
ساعات اضحك من قسى وقتي و ابكي

كني غريب بين الاوطان جوال
مهما ابتعد قلبي يحن لوطنكي

لو شفت في عمري هموم و غربال
فيك الحنان بصادق الحب يحكي

دنيا مشاكلها على كل موال
كل على همه من الوقت يشكي

البارحه يوم الخلايق نياما .. بيحت من كثر البكا كل مكنون
قمت أتوجد له وانثر الماء على .. ما من موق عيني دمعها كان مخزون
ولي ونتن من سمعها مايناما .. ونة صويبن بين الاظلاع مطعون
والا كما ونت كسير السلامه .. خلوه ربعه للمعادين مديون

في ساعة قل الرجا والمحاما .. في ما يطلع يومهم عنه يقفون
والا كما ونة راعبية حماما .. غاب ذكرها والقوانيص يرمون
تسمع لها بين الجرايد حطاما .. من نوحها تدعي المواليف يبكون
والا خلوج سايبه للهياما .. على حوارضايع في ضحى الكون

حطوا عليه من الخرج ثوب خاما .. وقاموا عليه من الترايب يهلون
راحوا بها حزت صلاة الاماما .. عند الدفن قاموا له الله يدعون
لرضاه والجنه وحسن الختاما .. ودموع عيني فوق خدي يهلون
ياقبر اسقي ثراك القماما .. مزنن من الرحمه عليها يصبون

والا حوار نشقوله شماما .. وهي تطالع يوم جروه بعيون
يردون مثله والظوامي سياما .. ترزموا معها وقاموا يحنون
والا رضيع جرعوه الفطاما .. توفت امه قبل اربعينه يتمون
عليه يا شارب لكاس الحماما .. صرف بتقدير من الله مأذون

جاه القضاء من بعد شهر الصياما .. وقاموا عليه من الترايب يهلون
راحوا بها حوة صلاة الاماما .. عند الدفن قاموا لها الله يدعون
برضاه الجنه وحسن الختاما .. ودموع عيني فوق خدي يهلون
حطوه في قبر غطاه الهداما .. في مهمة من عرب الامات مسكون

يا حفرة يسقي ثراك الغماما .. مزن من الرحمه عليها يصبون
جعل البختري والنفل والخزاما .. ينبت على قبر به العذب مدفون
مرحوم ياللي ما مشي بالملاما .. جيران بيته راح ما منه يشكون
يا وسع عذري وان هجرت المناما .. رافقت من عقب العقل كل مجنون

اخذت انا وياه سبعة اعواما .. مع مثلهن في كيفة مالها لون
والله كنه يا عرب صرف عماما .. يا عونة الله صرف الأيام وشلون
واكبر اهمومي من بزور يتاما .. ان شفتهم قدام وجهي يصيحون
وان قلت لا تبكون قالوا علامه .. نبكي ويبكي مثلنا كا مخزون
صلوا على سيد جميع الاناما .. على النبي ياللي حظرتوا تصلون

كل أرض ٍ تشيلك يا ثقيـل  الحمـول … وكل وقت ٍ كريم ٍ بالرضـا والزعـل
وين مارحت تلقى لك حبيب وعـذول … وين ما كنت تلقى مثـل ياسك أمـل

ياطريق الترجـي والولـه والنحـول … والله إني مشيتك لين حـد الثمـل
لا تظن المسافر من يسوق الرحـول … من وقف دون حلمه عاجزٍ ما رحـل

وما لمخلوق منجا في الحذر والجفول … ما تصيب السهام ولا يطيش الأجـل
الليالي خوات مير منهـي البتـول … والحوادث عشاير مير ويـن الفحـل

أتذكّر في عين الشمس طفل ٍ خجـول … شالته في هدبها وقت ليـن إشتعـل
أعجب الناس وهجه بالجدل والفضول … ما دروا عن جمال الجرح لين إندمل

إن لثمت الزهور وصاحبتني الحقـول … ماهقيت ان صافي الشهد عيب النحل
إن تعبنـا نحـب ولا لقينـا قـبـول … ما تسر الاماني ولا يفيـد  العـذل
مابقى في ضلوعي كود ريح معمـول … وثوب شاشٍ عليه من الندامه وحـل
لكن الله كريم و كل هـم ٍ يـزول … ما على الله بعيد ولا جفاك المحـل