أبشرك قلبى نسى طعم الالام
نموت لكن ما تموت الكرامه

دامك نويت الصد فالوعد قدام
من يومنا حتى تقوم القيامه

ياللي تقول فى غيبتك حدي أيام
ويرد قلبى يشتكي من غرامه

بهديك للهجران عام ورا عام
لا عاش راسي لو رجع في كلامه

لي قلب به جنه وبه ساحة اعدام
كلِ نحطه وين نعرف مقامه

ولا انت عادي لو رمى رمشك سهام
يرمي ولكن صعب يبلغ مرامه

حولي قلوب كلها حب وهيام
واعرف حلال الحب واعرف حرامه

كم قلب يتمنى وصالي ولا رام
كم قلب ينسج في الخفوق احترامه

الفرق ما بين الحقيقه والاحلام
مثل المدى بين السما والغمامه

غيرك في قلبي حط له بصمة ابهام
حاز الغلا كله وحاز اهتمامه

مشاعري له في حرم قلبي زحام
من زود حسنه والحلا والوسامه

أما انت حبك مات في ساحة اعدام
وارتاح قلبي من جفاه وغرامه

ازعل وأنا اعرف كيف برضيك
ازعل تدلل كيف ما فيك
لو قلتلك كلمة احبك
ترجع هنا من دون ما اجيك
ادري اذا تبعدني تموت
يا احلى من السكر مع التوت
ادري غرامك في الدلع موت
اموت فيك وفي تغليك

ازعل وانا فدوة عيونك
ماهون انا واعرف جنونك
مالي في هالدنيا بدونك
مدام انا قد ميتِ فيك
اهواك واتنفس غرامك
والقلب يا سيدي مقامك
قد صابني رامي سهامك
وامري حبيبي بين اياديك

ادري اذا قلت لك اببعد
تشيل هالدنيا وتقعد
ماتدري اني معك اسعد
والناس ماتسوى حواليك
ماشفت مثلك في حياتي
يا اغلى من عيوني وذاتي
واتحدى لو تلقى شراتي
يموت فيك وفي تراضيك

فرس فرس من حسنها الحسن انخرس
تتزاحم قلوب البشر بقبالها
وقفت فرس مشيت فرس لفتت فرس
من حقها تغتر حيل بحالها ..
كم ساحرا في عيونها النجلا درس
وكم شاعرا من حسنها غنى لها
واحلى الغواني بقربها كلن حرس
كل الحلى مغلوب فيها لحالها ..

كم قلب في درب مشت فيه انغرس
يحلم تمره لو بظل ظلالها
ما تلتفت حتى القوي لين المرس
مترفعه ما كل من جا طالها ..
ياما احترست من الغرام وما حترس
قلب تعلق في طرف سلسالها
واللي غرس فيها المحبه بي غرس
حب يفوق اللي في بالي وبالها ..

ياما احترست من الغرام وما حترس
قلب تعلق في طرف سلسالها
واللي غرس فيها المحبه بي غرس
حب يفوق اللي في بالي وبالها ..
فرس فرس لو حولها مية فرس
يوم لمحتها العين قلبي شالها
في خافقي اسمع لخطوتها جرس
ويرن في صدري صدى خلخالها ..