ابعتذر .. عن كل شي
إلا الهوى ما للهوى عندي عذر
ابعتذر .. عن كل شيئ
إلا الجراح .. ما للجراح إلا الصبر
إن ضايقك اني على بابك أمرّ
ليلة ألم … واني على دربك مشيت عمري وأنا
قلبي القدم
ابعتذر … ابعتذر … كلي ندم
ابعتذر عن كل شي … إلا الهوى
ما للهوى عندي عذر

اتصدقي … ما اخترت أنا أحبك
ما أحدٍ يحب إللي يبي
ياحبي المرّ … العذب
سكنتي جروحي غصب
ليت الهوى وانتي … كذب
كان أعتذر لك عن هواي
ما أقول أنا … كوني معاي
إن ضايقك أني على بابك أمرّ
ليلة ألم
وإني على دربك مشيت عمري وأنا
قلبي القدم
ابعتذر … ابعتذر … كلي ندم
ابعتذر عن كل شي … إلا الهوى
ما للهوى عندي عذر

الله كريم .. حبك … يكون
همي القديم
وجرحي القديم
والله عليم … يا أحلى العيون
إن الفراق … جزا الفراق
أوعدك … كان الطريق بيبعدك
بامشي الطريق
وكان الجحود بيسعدك
مالي رفيق …
ابجمع أوراق السنين … وأودعك
كان الفراق اللي تبين … الله معك

إن ضايقك اني على بابك أمرّ
ليلة ألم
واني على دربك مشيت عمري وأنا
قلبي القدم
ابعتذر … ابعتذر … كلي ندم
ابعتذر عن كل شي … إلا الهوى
ما للهوى عندي عذر …

أبي منه الخبر ويقـول للا
لِفا المرسول وماعيَّن محلَّه

وقلبي تايهٍ من عام الاوَّل
ألا يالله يسَّر من يدلَّه

خذاه الَّلي على خدَّه علامه
سوادة غيم في شمسٍ مطلَّـه

سرقني مادريت إنَّه سرقنـي
سلبني و أحسب إنَّي فاطنٍ له

أنا يوم أرسل عيونه لقلبـي
عطيته مُهجتي والمعطـي الله

نصف زين الخلايق في عيونه
وباقي الزَّين في باقيـه كِلَّـه

اسمحيلي يا الغرام العف يا الوجه السموح
إن لزمت الصمت أو حتى لبست الأقنعة
اعترف لك ما بقى من عالي الهمة سفوح
انحدر كلي كما طفل تحدر مدمعه

آه يا جود الحزن وياي وفي الفرحة شحوح
ضايعً بهمومي الغبرا بوسط المعمعة
اشتكي لوسادتي دنياي واسمعها تنوح
كنها بعضي وبعضي وين هو من هو معه

مختلط في عبرتي حبر الشقى ودم الجروح
مستوي في نظرتي غرب الوجود ومطلعه
عودي المبري بقابه من بقايا الوقت روح
وفصل خامس ضايع بين الفصول الأربعة

وراس مالي ذكريات وحلم وأمال وطموح
لا صديق ولا رفيق ولا طريقًا اتبعه
سامحيني دام عذري واضحً كل الوضوح
واسمحي لي بالرحيل بلا تذاكر وأمتعه