تترات مسلسلات لا تُنسى فى تاريخ الدراما المصرية ( الحلقة الثالثة)
تترات مسلسلات …….
تتر المسلسل أو المقدمة الموسيقية للمسلسل تعد عنوان المسلسل.
وهى جزء أصيل من المسلسل، هناك تترات لأعمال درامية لا يمكن نساينها فى تاريخ الدراما المصرية.
هذه التترات خلدت هذه الأعمال الدرامية ، وأصبحت جزء من وجدان المشاهد، فبمجرد سماع هذه التترات تجد نفسك تترددها مباشرة دون أن تعي.
نستعرض معكم فى سلسلة المقالات هذه، مجموعة من أهم تترات الدراما المصرية المحفورة فى وجدان المشاهد المصري والعربي.
تترات مسلسلات – تتر مسلسل ذئاب الجبل 1992م
ذئاب الجبل تأليف محمد صفاء عامر، وإخراج مجدي أبو عميرة، وبطولة أحمد عبد العزيز، سماح أنور، أحمد ماهر، عبدالله غيث، حمدي الوزير، شريف منير، ميرنا وليد، صلاح عبدالله.
كلمات التتر للشاعر الكبير عبدالرحمن الأبنودي، وألحان د/جمال سلامة.
غناء الفنان علي الحجار والذى تميز بغناؤه لتترات المسلسلات الصعيدية بشكل خاص.
تقول كلمات الأغنية ( مقدمة المسلسل)
“جالو علينا ديابة و احنا يا ناس غلابة
يا مغنواتي غني حكايتنا عالربابة
جالو علينا ديابة و احنا يا ناس غلابة
جالو علينا ديابة و احنا يا ناس غلابة
يا مغنواتي غني يا مغنواتي غني حكايتنا عالربابة
ده لكل ديب حكاية ليها عبره و أية
ده لكل ديب حكاية ليها عبره و أية
لا تشوفها في الجراية و لا عرفتها الكتابة
جالو علينا ديابة و احنا يا ناس غلابة
يا مغنواتي غني حكايتنا عالربابة
هما اللي بيظلمونا…اهةةةة
هما اللي بيتهمونا
وجال يخافوا منا و هما اللي خاوفونا
شبعان من الأسية الدم يبقي مية
شبعان من الأسية الدم يبقي مية
داج الجبل عليا داج الجبل عليا
أنا ديب و لا ضحية ما ترد عليا يابا
جالو علينا ديابة و احنا يا ناس غلابة
يا مغنواتي غني حكايتنا عالربابه
هما اللي عذبوني…هما اللي شردوني
و كل ما الأقي روحي عن روحي يغربوني
أنا في الغربه سكان و الجرح في جلبي ماكن
أنا في الغربه سكان و الجرح في جلبي ماكن
داجت بيا الأماكن…داجت بيا الأماكن
حجي ضايع و لكن بكرة يرجعلي يابا
دة لكل ديب حكاية ليها عبرة و أية
دة لكل ديب حكاية ليها عبرة و أية
لا تشوفها في الجراية و لا عرفتها الكتابة
جالو علينا ديابة و احنا يا ناس غلابة
يا مغنواتي غني حكايتنا عالربابة
حكايتنا عالربابة”
وتقول كلمات أغنية نهاية المسلسل
“وخاصمني يا زماني…وارجع صالحني تاني
نسِّينى اللى جرالى…فى العمر الأوَّلاني
يازمان حنون وغادر…أنا مين؟ ماتشوفنى تاني
الواد أبو ضحكه تطلع…م القلب الأخضراني
واللى زارع فى صوته…فدَّان ورد وأغاني
مالى دِبْلِتْ وُرُودِى…وكاس همَّك سقاني
وأنت مزمزم قيودى…وكرباجك كواني
يازمان ساعة ما بضحك…دمعى يملا حِفانب
والدنيا تضيق عليا…ويكرهنى مكاني
مين يا زمان يطير بى…بعيد عن المباني
ومن (الهموم) ياخدنى…يِفْلِتْنى فى المواني
أروح بلاد بعيدة…ولا من شاف أو رآني
وخاصمني يا زمانى…وارجع صالحني تاني
نسِّينى اللى جرالى…فى العمر الأوَّلاني
وخاصمني يا زماني…وارجع صالحني تاني”
تترات مسلسلات – تتر مسلسل مسألة مبدأ 1999م
مسلسل مسألة مبدأ تأليف محمد صفاء عامر، إخراج خيري بشارة، بطولة إلهام شاهين، عمرو واكد، خالد النبوي، جميل راتب، رشا مهدي.
تتر المسلسل كلمات الشاعر الكبير عبدالرحمن الأبنودي، وألحان الموسيقار الكبير عمر خيرت، وغناء الفنان الكبير علي الحجار.
تقول كلمات التتر
” كل الجروح ليها دوا ياطيريا حايم في الهوا
كل الجروح ليها دوا ياطيريا حايم في الهوا
اطوى الجناح على اللى الجراح….اطوى الجناح على اللى راح واضحك
ويلا نطير سووووى…أنا مش حابيع الصدق بالأكاذيب
ولا أقولش للحمل الوديع يا ديب…ولا أقولش للديب يا أعز حبيب
الصدق مهما عز فى الأزمه مش ههتز…الصدق مهما عز فى الازمه مش ههتز
ساعات يكون كتم الأنين…ساعات يكون كتم الأنين أصدق
وأنا مهما أقع راح أقوم…وأنا مهما أقع راح أقوم
ودي .. مسألة مبدأ
كل الجروح ليها دوا ياطيريا حايم في الهوا
كل الجروح ليها دوا ياطيريا حايم في الهوا
اطوى الجناح على اللى الجراح
اطوى الجناح على اللى راح واضحك
ويلا نطير سوا …بيكدبوا الصدق اما الكدب يتصدق
يالليل تطول بكرة تلقى ؟ الفجر بيشقشق
بيكدبوا الصدق اما الكدب يتصدق
يالليل يالليل تطول بكرة…تلقى ؟ الفجر بيشقشق
أنا فى انتظار الصباح أنا احتويت الجراح
وخلاص نسيت اللى راح ومن جديد حابدأ
ودي .. مسألة مبدأ”