تترات مسلسلات لا تُنسى فى تاريخ الدراما المصرية (الحلقة السادسة) 

تترات مسلسلات لا تزال في الذاكرة…..

تتر المسلسل أو المقدمة الموسيقية للمسلسل تعد عنوان المسلسل.

وهى جزء أصيل من المسلسل، هناك تترات  لأعمال درامية لا يمكن نساينها فى تاريخ الدراما المصرية.

هذه التترات خلدت هذه الأعمال الدرامية ، وأصبحت جزء من وجدان المشاهد.

فبمجرد سماع هذه التترات تجد نفسك تترددها مباشرة دون أن تعي.

نستعرض معكم فى سلسلة المقالات هذه، مجموعة من أهم تترات الدراما المصرية المحفورة فى وجدان المشاهد المصري والعربي.

تترات مسلسلات لا تُنسى.. مسلسل حجا المصري

مسلسل جحا المصري بطولة كوكبة من النجوم على رأسهم:

الفنان الكبير يحيى الفخراني، أحمد رزق، سعاد نصر، منى زكي، رانيا فريد شوقي، المسلسل تأليف يسري الجندي، إخراج مجدي أبوعميرة.

التتر كلمات سيد حجاب، ألحان عمار الشريعي، غناء مدحت صالح.

كلمات مقدمة مسلسل جحا المصري

“وآدى جحا المصري شايفينه …بحماره اللي انتوا عارفينه

جاى و ضحكته فى شفايفينه …سابقاه .. و حبايبه زافينه

هلت أنوارك .. يا جحا …أنت و حمارك .. يا جحا

من نارنا و نارك .. يا جحا…هزلك و هزارك .. يا جحا

ده بتاعنا و ما احناش سالفينه …يحيا جحا و تحيا أسافي

الوش ما شا الله عيش فينو …والدم بشربات خفينه

و لسان يهري اللى مخالفينه …آه .. و يزل اللى مقارفينه

و رفعنا شعارك .. يا جحا …ده مرارنا مرارك .. يا جحا

زيح عارنا و عارك.. يا جحا …خد تارنا و تارك .. يا جحا

أعادينا الجبنا خايفينه…يحيا جحا و تحيا أسافينه

جحا جاي قلوبنا مضايفينه …ولا مال و لا منصب تالفينه

ولا أعادينا فى يوم بالفينه …ولاعن خير ناسه حارفينه

صوتنا و لساننا .. يا جحا …انصف انسانّا .. يا جحا

انصر أحسنا .. يا جحا…وانشر إحسانا .. يا جحا

ده يمين عالختمة حالفينه …يحيا جحا و تحيا أسافينه”

 كلمات نهاية مسلسل حجا المصري

“طلي يا دنيا على جحا.. طلى…مهما تعُك يقول: يا حَلو للي

وده كل ده قرع استانبولّي…وح نوصل للحل الكلي

ما هو جحا أستاذ…حل الألغاز

سايق الشيطنة ع الهبلُو للّي….يا جحا يا مصري.. يا قاريهم

إلعب يا قراري  ووريهم…قطّع فى الظَلَمة واهريهم

فى الهوا بعترهم.. درَّيهم…الناس جنسين.. مقاسين.. ناسين

ناس سمحين..أصلا.. بساط.. تلسين…أو ناس سمجين.. تُقَلا.. غلسين

بينهم بعض أبالسة موالسين….وجحا فراز

ده ياقوت.. ده قزاز…وده مخه كبير وده مناخولّلي

يا جحا يا مصري.. وجاريهم…فى اللعب وهذّر.. وباريهم

بس اما غناهم يغريهم…يهينونا.. هش وجرَّيهم

جحا وحماره قايسين فاقسين…أحوال الدنيا.. ومقايسين

وف أي فساد ساد طاسين…سوا بالتسفيه.. سوا بالتلسين

زي النزناز…إنجاز إعجاز…تنكيت تبكيت.. فل الفُلَّي

يا جحا يا مصري.. قول لسَّن…علشان الأحوال تتحسّن

والناس الخايفة.. تتفرسن…والدنيا القاسية.. تتأنسن”

تترات مسلسلات لا تُنسى.. تتر مسلسل المال والبنون

وفيما يلي بعض من أشهر تترات المسلسلات المصرية التي لا تُنسى:

المال والبنون (1991): تتر المسلسل من كلمات الشاعر سيد حجاب، وألحان الموسيقار ياسر عبد الرحمن، وأداء الفنان محمد الحلو.

قالو زمان دنيا دنيه وغروره
وقلنا واللى تغره تخسر مصيره
قالوا الشيطان قادر وله الف صوره
قلنا ما يقدر ع اللى خيره لغيره
ايه معنى دنيتنا وغايه حياتنا
اذا بعنا فطرتنا البريئه الرقيقه
وازاى نبص لروحنا جوه مرايتنا
اذا احنا عشنا هربانين م الحقيقه
المال تجيبه الريح وتاخده الهوايل
اما البنون يوم الحساب بيفتونا
مال ايه دا لو كان مال قارون كله زايل
ولا غير عمايل الخير ياهوووه انجدونا
قالو زمان دنيا دنيه وغروره
وقلنا واللى تغره تخسر مصيره
قالوا الشيطان قادر وله الف صوره
قلنا مل يقدر ع اللى خيره لغيره
ومين نكون ان بعنا يومنا وماضينا
وليه نعيش اذا كانش بكره يراضينا

وازاى ننام من غير ما نحلم ببكره
وبكره دا منين يجى الا بادينا
قالوا زمان دنيا دنيه وغروره
وقولنا واللى تغره يخسر مصيره
قالوا الشيطان قادر وله الف صوره
قلنا ما يقدر ع اللى خيره لغيره

تتر مسلسل أرابيسك

أرابيسك (1986): تتر المسلسل من كلمات الشاعر عبد الرحمن الأبنودي، وألحان الموسيقار ياسر عبد الرحمن، وأداء الفنان محمد الحلو.

و ينفِلِت من بين إيدينا الزمان

كإنه سَحبة قوس في أوتار كمان

و تنفرط الايام عود كهرمان

يتفرفط النور و الحنان و الأمان

و ينفلت من بين إيدينا الزمان

الشر شرق و غرب داخل في حوشنا

حوشوه لا ريح شاردة تقشقش عشوشنا

حوشوا شرارة تطيش تشقق عروشنا

و تغشنا المرايات تشوش وشوشنا

و تهيل تراب ع الهالة و الهيلمان

الغش طرطش رش ع الوش بوية

ما درتش مين بلياتشو أو مين رزين

شاب الزمان و شقيت .. مش شكل أبويا

شاهت وشوشنا تهنا بين شين و زين

ولسه ياما و ياما حنشوف كمان

تترات مسلسلات لا تُنسى.. تتر مسلسل الشهد والدموع

الشهد والدموع (1983): تتر المسلسل من كلمات الشاعر سيد حجاب، وألحان الموسيقار ياسر عبد الرحمن، وأداء الفنان محمد الحلو.

تحت نفس الشمس وفوق نفس التراب

كلنا بنجري ورا نفس السراب

كلنا من أم واحدة، أب واحد، دم واحد

بس حاسين باغتراب
***

ليه بنتغرب في دنيتا الغريبة

ليه نقابل كل شيء بشكوك مريبة

ده احنا لو عشنا حياتنا بصفو نية

نجمة الحلم البعيد هتبان قريبة

***

يا زمان الغربة دورنا مهما دورنا

روج بتبدرنا وريح تضرب صدورنا

بس طول ما قلوبنا مليانة محبة

كل هبة ريح هنا تغرس جدورنا

***

ليه تفرقنا الأماني والمطامع

إيه يفيد المال إذا ما مال زماني

مال تجيبه الريح تروح تاخده الزوابع

يا ما فضة انفض سوقها في ثواني

***

يا زمان الغربة يا ملفلف كسورنا

يا للي بتزوم فوق عششنا وفوق قصورنا

طول ما بنحب الحياة وبنحب ناسها

لا الجدور هتبور ولا تنهار جسورها

***

الحقيقة نار تعيش تحت الرماد

في ضياها بهتدي لحلمي بخيالي

والمحبة تفجر الروح في الجماد

وبمحبة قلبي هقدر ع الليالي

***

يا زمان الغربة مهما حتكاسرنا

حلمنا هنحققه مهما خسرنا

طول ما خيرنا لغيرنا حتى لو رحلنا

في الحياة هنمد لينا جدور مسيرنا

***

من حنان الحب هل الغل جانا

من مرارة الغل جلجل صوت رجانا

نبكي م الغل اللي بيعكر حياتنا

ولا م الحب اللي هدهدنا وشجانا

***

يا زمان الغربة ليلك بيحاصرنا

وفي ضلامه المر طاوينا وعاصرنا

بس طول ما الحب بيرفرف علينا

الجدور هنمدها ونصنع مصيرنا

وإلى هنا نصل بكم لختام مقالنا الذي تعرفنا من خلاله على تترات مسلسلات لا تُنسى فى تاريخ الدراما المصرية.