تترات مسلسلات لا تُنسى فى تاريخ الدراما المصرية (الحلقة الخامسة) 

تترات مسلسلات …….



تتر المسلسل أو المقدمة الموسيقية للمسلسل تعد عنوان المسلسل، وهى جزء أصيل من المسلسل.

هناك تترات  لأعمال درامية لا يمكن نساينها فى تاريخ الدراما المصرية.

هذه التترات خلدت هذه الأعمال الدرامية ، وأصبحت جزء من وجدان المشاهد، فبمجرد سماع هذه التترات تجد نفسك تترددها مباشرة دون أن تعي.

نستعرض معكم فى سلسلة المقالات هذه، مجموعة من أهم تترات الدراما المصرية المحفورة فى وجدان المشاهد المصري والعربي.

تترات مسلسلات .. مسلسل كناريا وشركاه

المسلسل من تأليف الكاتب الكبير أسامة أنور عكاشة، وإخراج المخرج الكبير إسماعيل عبدالحافظ.

بطولة فاروق الفيشاوي، لوسي، توفيق عبدالحميد، روجينا، نورهان، شوقى شامخ، أسامة عباس.، والفنانة القديرة خيرية أحمد.

تتر المقدمة والنهاية كلمات الشاعر الكبير سيد حجاب، و ألحان الموسيقار ياسر جلال، وغناء على الحجار.

تقول كلمات مقدمة مسلسل كناريا و شركاه

” دى دمعة من قلبى على الخد جارية

ولا دى بسمة.. نسمة فى مسامّى سارية

لا لا.. دى أرواح طاهرة.. طايرة ف براح

وذكرى عمر ف توهة وف توبة راح

يا قلبى عيش.. على زقزقات الكناريا

بين دنيا دايره.. جروحها فى روحنا غايرة

وأمانى فايرة.. فى دنيا تانية.. مغايرة

فيه قلة جايره.. وقلة غايرة ومعايرة

والناس مسايرة.. وحايرة.. أو فاهمة قارية

يا قلبى عيش على زقزقات الكنارية

بين رهبة م التوهة.. وتوبة برغبة

سددنا ديننا.. وغيرنا أغنى.. وأغبى

وقلوب مصاحبة الحق.. صاحية ومشاغبة

وقلوب تدوب ما تتوب.. ولا هيه دارية

يا قلبى عيش على زقزقات الكناريا”

تقول كلمات نهاية مسلسل كناريا وشركاه 

” يا زقزقات الكناريا …دنيتنا بايعة وشارية

فينا وبتصحي فينا …جروح ماضينا الدفينة

وإحنا ف توهة وهارية …وإحنا ف توهة وهارية

دنيا شقا كالميعشها …والخوف راعشنا وراعشها

ووحوشها طيشها ناعشها …ونافشة ريشها وضارية

يا زقزقات الكناريا …عدوة ولا صديقة

يا دنيا دة الناس في ضيقة …بس الحقيقة المضيئة

أحكامها ع الكل سارية …امتي الوحوش في جحورها

يترد كيدها لنحورها …والدنيا تصفي بحورها

بين السمك والبيساريا …يا زقزقات الكناريا”

 

تترات مسلسلات .. مسلسل سارة 2005

مسلسل سارة إنتاج عام 2005، تأليف مهدي يوسف، إخراج شرين عادل، بطولة النجمة حنان ترك، أحمد رزق، طارق لطفى، سوسن بدر، حنان مطاوع، رجاء الجداوي، أحمد راتب.

كلمات المقدمة والنهاية تأليف خميس عز العرب، ألحان ياسر عبدالرحمن، غناء نهال نبيل.

تقول كلمات مقدمة مسلسل سارة

“كان ياما كان…كان فيه عصفور

قلبه صغير…ريشه قصير

حلمه يرفرف بره السور…كان إنسان من طين.. من نور

كان بيدور على اللى يخضر…قلب الناس القاسي البور

كان ياما كان قلب الحدوتة رق و حن…على البنوتة فى زمن اتجن

زمن الناس فى قلوبها وحوش…زمن الغاب و الناب و وشوش

تحزن غش و تضحك زور

كان ياما كان أحلام بضفاير قلب و بس

ذنبها إيه لو قلبها طاير حب و حس

بنوتة فى حدوتة تنام…و بتجرى وراها الأيام

هى و كل بنات الحور

كلمات نهاية مسلسل سارة 

و بنحبك يا دنيا بجد…و مهما تعملى فينا

بنصحى بشوق يفوق الحدّ…و نحضن بكره بإيدينا

و آه من بكره و عمايله…و آه م اللى الزمن شايله

و آه من حلم عالى لفوق…و لسه الكف مش طايله

يا دنيا دبت أنا فيكى…و توهتينى فى عنيكى

أموت لو عشت من غيرى…و أعيش لما أموت فيكى

يا أرض الخوف يا لامانا…أمانة تسيبى جوانا

براءة طفل كان عايز يشوف الصبح و يانا

و جنب الشوك يعيش الورد…يرجع قلبنا لينا

و بعد التوهة جزر و مد…نلاقى نفسنا لينا

 

مسلسل سوق العصر

سوق العصر (2000): تتر المسلسل من كلمات الشاعر سيد حجاب، وألحان الموسيقار ياسر عبد الرحمن، وأداء الفنان محمد الحلو.

ليه يا سنين تكسرى الحلم فينا
ليه فرحنا بيموت فلحظة حزينة
تاه الطريق و الا احنا اللى ارتضينا
نضيع الحلم اللى كان بين ادينا

يا سنين طويلة وغميقة
قوليلنا فين الحقيقة
ياسنين لو انتى بريئة
ليه من جراحك قاسينا
مدينا للحلم ايدنا
لكن زمانا عاندنا
كان ليه بقى بيوعدنا
ويقرب الحلم لينا

كسرنا احلامنا احنا
والا زمانا جرحنا
واما بقينا فمحنة
الدمع سال من عنينا
انتى السبب يا سنينا
بعدتى احلامنا عنا
والا السبب اصله منا
و اترد تانى لينا
…………………..
والا الزمن منا والا احنا اللى فرطنا فيه
والحب ليه دار والا بين الشقايق وليه

لما قاسينا نسينا
واما نسينا اتنسينا
واما اتنسينا ابتدينا
نشكى ونبكى لحالنا
ودمعنا بنداريه

يا ايام يا قاسيه ارحمينا
دا حبنا كان مالينا
كان حلمنا بين ادينا
ضاع مننا فغفلة منا
ورجعنا نبكى عليه

تتر نهاية مسلسل العصيان

العصيان (1999): تتر المسلسل من كلمات الشاعر عبد الرحمن الأبنودي، وألحان الموسيقار ياسر عبد الرحمن، وأداء الفنان محمد الحلو.

علي مُلك الدنيا اتسابقوا الناس

والحق مابين العالم غاب

ولا حدش واخد منها قيراط

واتسابقوا يا ناس

ولا حد في يوم هياخدها معاه

ولا حد في يوم هياخدها معاه

ويا ويل النفس الطمعانه

لوجارت علي اي امانه

هتقابل اخرتها ودا

لا هيشفع ليها لا مال ولا جاه

علي مكرالدنيا اتسابقوا الناس

والحق مابين العالم غاب

ولا حدش واخد منها قيراط

واتسابقوا يا ناس

ولا حد في يوم هياخدها معاه

في طريق الزيف

كلنا ماشيين

بنصارع بعض علي الاحلام

وسألنا الزمن الطيب فين

والرحمه نجيبها منين وبكام

احلامنا رمتنا في دوامه

ومشينا يطوحنا هوانا

والقلب المؤمن ويانا

بيقول فكروا في حساب الله

علي مكرالدنيا اتسابقوا الناس

والحق مابين العالم غاب

ولا حدش واخد منها قيراط

واتسابقوا يا ناس

ولا حد في يوم هياخدها معاه

وإلى هنا نصل لختام مقالنا الذي تعرفنا من خلاله على تترات مسلسلات لا تُنسى فى تاريخ الدراما المصرية (الحلقة الخامسة).