أغرب الأماكن للتعرف على شريك حياتك المستقبلى.. أفكار لن تصدقها
الحب المفترض انه علاقة مبنية على التفاهم و الصفات المشتركة اللى بين أى اتنين.
بدخول التكنولوجيا حياتنا؛ أصبحت وسائل التواصل الاجتماعى حاجه اساسيه و وسيله اساسيه للتعارف و اظهار الصفات المشتركه.
بس الموضوع اتطور بشكل كبير و وسائل التواصل الاجتماعى اختلف منظرها من المواقع التقليديه؛ زى الفيس بوك و تويتر لمواقع اغرب بكتير .
و احنا هنا هنعرض ليكم اغرب مواقع التعارف و المواعده حول العالم، و منتظرين رأيكم فيها.
Clown Dating
كل الستات بتحب الراجل اللى دمه خفيف , بس هل بتحب الراجل اللى دمه خفيف للدرجه دى ؟
الموقع ده المفروض انه معمول للناس اللى عاوزه تتقابل على شكل مهرج و يشوفوا ايه اللى ممكن يحصل بعد كده.
http://www.clowndating.com
Equestrian Singles
الراجل السبور كان من مواصفات فتى الأحلام فى فتره الخمسينيات و الستنيات.
لكن ممارسه نوع من الرياضه ممكن يشكل حاجه مهمه اوى كده , الموقع ده مهتم بتقريب الناس اللى بتحب الفروسيه من بعض.
http://www.equestriansingles.com/
420 Singles
الموقع ده لما تتعرف فيه على حد , حاول توصل لحاجه ابعد من بروفايله على الموقع فى اسرع وقت
لان الموقع ده اكتر موقع اعضائه مش بينسوا بس كلمه السر بتاعتهم , لا غالبا بينسوا انهم سجلوا عليه اصلاً , الموقع ده مخصص لتعارف الناس اللى بتحب الحشيش .. صبااااح الفل
https://420singles.com/
Beautiful People
الموقع ده بقى المفروض انه مبيقبلش غير الناس اللى شكلها حلو بس , بتقدم صورتك و بيتعمل عليك تصويت من اعضاء الموقع الموجودين عليه بالفعل
يعنى لو راجل ستات الموقع هيصوتوا على موافقتهم على دخولك الموقع , و العكس .. موقع الناس الحلوه زى ما مسمين نفسهم
https://www.beautifulpeople.com/
Ugly Schmucks
الموقع ده على النقيض تماماً , ده موقع الناس الوحشه , لو شايف نفسك مش حلو قدم عندنا , و كمان مش هتحتاج تصويت
هتسجل مباشره من غير اى مشاكل , المهم انك تبقى فخور بنفسك , شعارنا الحلاوة حلاوة الروح.
http://www.uglyschmucks.com/
Can Do Better
نتجنن اكتر بقى , الموقع ده فايدته انك تحط صورتك و صوره نصك التانى , و بدل ما الناس تكتب تعليقات من نوعيه حلوين , و لايقيين اوى على بعض
بيصوتوا عليكم و هل انت تستاهل احسن من كده و لا هى كفايه عليك , و لا هى احسن منك و تحمد ربنا على انها راضيه بواحد زيك.
http://www.candobetter.com/
Vampire Passions
لو كل ده مكنش كافى ليك , فالموقع ده بيتعامل مع مصاصين الدماء كإنهم حقيقه واقعه
بيقسم اعضائهم لمصاصى دماء , و محبى مصاصى الدماء و هكذا , واضح ان twilight اكل دماغ الناس خلاص
http://vampirepassions.com/
Furry Mate
نرفع السقف اكتر بالموقع ده , لو نفسك تبقى كائن كارتونى عنده فرو و تحبك شخصيه كارتونيه من نفس نوعك
فالموقع ده المكان المناسب بالنسبه ليك .. الموقع ده هيقربك من دبه … اقصد فتاه احلامك باكثر طريقه مش متوقعه
https://furrymate.com/
Diaper Mates
نختم بقى بالموقع ده , اعتقد لو اتنين من الموقع ده حبوا بعض فعلا و اتجوزا و حد حاول يسألهم اتعرفوا على بعض ازاى
هيكون الوضع صعب جداً , الموقع ده لتعارف الناس الكبيره اللى بتحب لبس الحفاضات
الموقع ده اكيد عمره ما هينجح فى بلد زى مصر سعر باكيت البامبرز فيها دلوقتى داخل على الـ 200 جنيه
http://diapermates.com/
أعتقد كده مالكوش حجه , احنا عملنا كل اللى عندنا , عاوزين نفرح بيكوا بقى
اترك تعليقاً