ريمونتادا ؟ أفضل من عادوا بالنتيجة فى تاريخ الكرة الأوروبية
ريمونتادا , comeback , ليها أسماء كتير , بس اللى مفيش خلاف عليه إنها حاجه من أطعم الحاجات اللى بتحصل فى كره القدم . جماهير الفريق اللى بيعملها بتفضل تحكى عنها لسنين قدام , بس ممكن تجيب سكتة قلبية لجماهير الفريق اللى بتحصل عليه . الأكيد إن جماهير الكوره كلها مش ممكن تنساها أبداً .
مباراة برشلونه و باريس فكرت الناس بمباريات كتيرة مشابهة، و احنا فى المقالة دى هنحاول نفكركم بأحسن نتائج عودة و قلب نتائج مباريات ذهاب حصلت فى تاريخ الكرة الأوربية على مستوى الأندية فى المباريات اللى فيها ذهاب و عودة و هبدأ بــ
الأرسنال 5 – انتر ميلان 1
الأرسنال و انتر ميلانالزمان : 25 / 11 / 2003
المكان : ملعب السان سيرو الشهير
الظروف : دورى أبطال أوروبا 2003 , جيل أرسنال الذهبى بيخسر فى دورى المجموعات 3/0 على ارضه فى الهايبرى من جيل إنتر اللى كان فيه تولدو , زانتى , كانافارو , مارتينيز , فييرى و غيرهم من النجوم , الأرسنال مهدد بالخروج من دورى المجموعات , انتر لو كسب يبقى صعد بشكل كبير , و البطاقه التانيه محجوزة بشكل كبير لـ لكوموتيف موسكو.
الحدث : هنرى يدمر دفاع انتر القوى فى الفتره دى و يفوز على على الانتر 5/1 و يصعد أول مجموعه و يلقى بـ الانتر خارج البطولة.
أداء هنرى فى الماتش ده من اروع المستويات الفرديه اللى ممكن تشوفها فى حياتك.
https://www.youtube.com/watch?v=mEf7IkFZb0Y
برشلونه 5 – تشيلسى 1
برشلونةالزمان : 18/4/2000
المكان : الكامب نو – برشلونه
الظروف : تشيلسى وقتها مكنش تشيلسى ابراموفيتش , بس كان بيقدم مستويات محترمة فى البطولات الأوروبيه كان عندهم فريق فيه ديشامب و دوساييه و ليبوف بتوع منتخب فرنسا , هجومهم كان فيه تورى اندرى فلو و زولا , برشلونه برضه وقتها مكنش برشلونه دلوقتى بس كانت بتملك فريق ممتع جداً فيه خط وسط ذهبى بقياده جيراديولا , كوكو و فيجو و ريفالدو و زندن و كلوفيرت بيقود الهجوم , تشيلسى عمل ماتش كويس و فاز فى الماتش الاول فى الستامفورد بريدج 3/1 , المهمه صعبه فى العوده على الفريق الكتالونى.
الحدث : ريفالدو و فيجو يسجلوا هدفين , تورى اندرى فلو يسجل لتشلسى المهمه تبقى اصعب , البديل دانى جارسيا يسجل الهدف التالت عشان يتعادلوا فى نتيجه الماتشين , ندخل على الوقت الاضافى , ريفالدو الذهبى فى الوقت ده يسجل الرابع من ضربه جزاء و كلوفيرت يخلص الليله كلها بهدف خامس.
https://www.youtube.com/watch?v=wZ7iKVZdrhg
موناكو 3 – ريال مدريد 1
موناكوالزمان : 6/4/2004
المكان : ستاد لويس التانى – فرنسا
الظروف : موناكو خسر مباراه الذهاب فى السنتياجو برنابيو 4/2 الامور شكلها محسومه للفريق الملكى اللى كان فيه وقتها راؤول و زيدان و فيجو و كارلوس و رونالدو.
الحدث : راؤول يبدأ بالتسجيل و الأمور بقت أصعب على موناكو , جولى نجم موناكو يسجل التعادل بتسديده رائعه على الطاير , بعدها مورينتس الاسبانى يحط الريال تحت ضغط بهدف التقدم برأسيه كعادته , و جولى يكمل العوده بالهدف التالت بالكعب و يحافظوا على النتيجه و يصعد موناكو بقاعده أفضليه الاهداف خارج الارض و وقتها ده مش كان متوقع أبدا.
ديبورتيفو لا كورونيا 4 – ميلان 0
مباراة ديبورتيفو و الميلانالزمان : 7/4/2004
المكان : ملعب ريازور – اسبانيا
الظروف : فى اليوم التالى لمفاجئه موناكو على الريال , ديبورتفو بيستعد للخروج مع دورى الابطال بعد هزيمه كبيره 4/1 فى ايطاليا , ديبورتفو فى الوقت ده مكنش فريق سهل كان فيه نايبت و لوكى و مارو سيلفا و نجم الفريق فى الوقت ده كان خوان كارلوس فاليرون , فى المقابل ميلان كان فريق يتعمله الف حساب , دفاع فيه كافو , مالدينى , نستا , خط وسط فيه سيدورف , بيرلو , كاكا فى مجده , و الهجوم واحد من افضل مهاجمى العالم فى الوقت ده شيفتشنكو , يكفى اقولك ان ريو كوستا و انزاجى كانوا احتياطى , المهمه كانت بالفعل مستحيلة.
الحدث : باندينى سجل بدرى للأسبان , بعدها النجم فاليرون يسجل التانى , و قبل صفاره الشوط الاول كانت النتيجه 3/0 بهدف لوكى , فران ينزل مكان لوكى و يسجل الرابع و تكمل العوده , محتاجش حتى مدرب الفريق خافيير اماينو انه ينزل نجمه الصاعد دييجو ترتستان , فى المقابل تغييرات انشولتى بنزول سيرجينهو , انزاجى , ريو كوستا منجتش فى ادراك حتى لو هدف وحيد يدخلهم وقت اضافى.
تشيلسى 2 – باريس سان جيرمان 0
مورينيوالزمان : 8 إبريل 2014
المكان : الستامفورد بريدج
الظروف : فريق مورينهو يخسر امام الفريق العائد لرونقه من جديد بقوه الاموال القطريه 3 /1 فى مباراه الذهاب , لقطه المباره فى الذّهاب كانت احتفال فيراتى امام مورينهو بطريقه استفزازيه عقب انتهاء المباراه , ناس كتيره كان متهيألها ان فريق العاصمه الفرنسيه خلاص انهى المهمه و تأهله محسوم خصوصا فى ظل تشكيله كان فيها تياجو سيلفا , كفانى , ماتويدى , لافاتزى , فيراتى , و وجود دكه قويه فيها كابييه و مينيز و باستورى قادره على خلق الفارق فى اى وقت.
الحدث : الماتش يبدأ بخروج نجم الفريق ادين هازارد فى الدقيقه 18 للاصابه و نزول شورله البديل و الامور تتأزم اكتر على تشلسى , و لكن فى ال 32 يحرز البديل شورله الهدف الاول , مورينهو بيرمى كل اوراقه الهجوميه و ينزل ديمبا با على حساب لامبارد , و توريس على حساب اوسكار , و يكسب الرهان بهدف فى الوقت القاتل يسجله ديمبا با فى الدقيقه 87 ليقلب الطاوله و يصعد تشلسى بقاعده الهدف خارج الارض.
ريال مدريد 5 ديربى كونتى 1
ريال مدريد و ديربى كاونتىالزمان : 5 نوفمبر 1975
المكان : السنتياجو برنابيو
الظروف : الفريق الانجليزى يفوز بشكل مذهل على العملاق الاسبانى , نجم المنتخب الانجليزى فى هذا الوقت تشارلى جورج يسجل هاتريك ليقود ديربى كونتى لفوز تاريخى على ريال مدريد 4/1.
الحدث : الريال يبدأ مبكراً بالتسجيل فى الدقيقه التانيه عن طريق روبيرتو مارتينز , نفس اللاعب يضيف الهدف الثانى فى الدقيقه 20 و ينتهى الشوط الاول بنتيجه 2/0 , فى الدقيقه ال 55 يضيف كارلوس سانتيلانا الهدف الثالث , الفريق الانجليزى ينجح فى تقليص الفارق عن طريق نجمه تشارلى جورج , و لكن الهدف لم يستطع ان يوقف الملكى عن تحقيق هدفه , ضربه جزاء يسددها اللاعب بيرى ليسجل الهدف الرابع.
ليدخل الفريقين الوقت الاضافى , فى الدقيقه 99 مراوغه رائعه من اللاعب سانتيلانا و تسديده على الطاير ليسجل الهدف ليكمل عوده تاريخيه , على حساب ديربى القوى وقتها ¸الفريق الانجليزى متحملش ضغط الاكثر من 100 الف مدريدى متحمس فى المدرجات وقتها و سقط بشكل مدوى.
تشيلسى 4 – نابولى 1
فرحة دى ماتيو مع لاعبيهالزمان : 14/3/2012
المكان : الستامفورد بريدج
الظروف : بعد رحيل مورينهو , تشيلسى مش بنفس القدرات اللى كان عليها , دى ماتيو هو مدرب الفريق دلوقتى , ماتش الذهاب فى ايطاليا انتهى 3/1 , نابولى وقتها كان فريق من فرق أوروبا الممتعه جداً تحت قياده المايسترو هامشيك , الفريق فيه الهداف كافانى و المهارى لافاتزى فى الوقت ده , و عندهم لاعب ارتكاز كان مطمع فرق كبيره كتير هو إنلر الظروف كانت مواتيه ليهم للتحرك للامام و تحقيق انجاز اكبر فى دورى الأبطال.
الحدث : الفريق الانجليزى بيدأ فى التسجيل عن طريق الفيل الايفوارى ديديه دروجبا , جون تيرى بيقلص الفارق فى الدقيقه 47 , و لكن انلر يصعب الامور مره تانيه على تشلسى بهدف جديد , و لكن ضربة الجزاء اللى سجلها لامبارد تجعل النتيجه متساويه فى كل شىء و الفريقين يلعبوا وقت اضافى , فى الدقيقه 105 من الوقت الاضافى يسجل ايفانوفيتش الهدف الرابع عشان يقضى على آمال الايطاليين و يصعد الانجليز.
https://www.youtube.com/watch?v=MgQySNlpVGk%20
اترك تعليقاً