وصفات طبخ ..وصفات دجاج..اكلات سريعة ..تعرف على أشهى الوصفات
perm_identity اسراء حامد

query_builder منذ شهر واحد

وصفات طبخ ..وصفات دجاج..اكلات سريعة ..تعرف على أشهى الوصفات

أقرب طريق لقلب الراجل معدته انها مقولة كثيرا ما طرقت مسامعنا لن نتحدث علي مدي صحتها ولكن نتحدث علي أهمية أن تتوقف عندها المرأة قليلا وتمعن التفكير في أهمية اتقان فن الطبخ تعالوا نتعرف على بعض وصفات طبخ ..وصفات دجاج..اكلات سريعة ..تعرف على أشهى الوصفات.

ومن هنا ندرك أهمية أن تتقن اي امرأة علي الأقل مبادئ الطبخ وسنتناول في سلسلة من المقالات أشهي الوصفات وأسهلها لكي تبدأ كل امرأة بتطبيقها .

وصفات طبخ (وصفات دجاج)وصفات طبخ ..وصفات دجاج..اكلات سريعة ..تعرف على أشهى الوصفات

وصفات طبخ تحتوي علي الدجاج كبداية (الكوردن بلو- نجرسكو -كبسه فراخ -فراخ مشويه بالخلطه- رولات الفراخ).

 وصفات طبخ (الكوردن بلو)

المقادير:
• صدور فراخ مخليه مقطعه شرايح رفيعه.
• للتبيله:(بصله-طماطم-زبادي-ملح-فلفل اسود-زنجبيل-بودره بصل وثوم حسب الرغبه).
• للحشو:(لانشون -جبنه شيدر-جبنه رومي او فلمنك او ريكفورد حسب الرغبه).
• بيضه.
• بقسماط.
• فيجتار.

طريقه التحضير:

• توضع جميع مكونات التبيله في الكبه وتخلط جيدا وتوضع علي الفراخ وتترك ساعتين او طوال الليل في التلاجه.
• بعد ما تتشرب الفراخ التبيله جيدا تفرد شريحه من الفراخ وتفرد بدخلها شريحه لانشون وفوقها شريحه جبنه شيدر وفوقها النوع الثالث من الجبنه حسب الرغبه.
• تلف شريحه الفراخ كالاسطونه ويمسك طرفها بسلاكات الاسنان.
• تدهن صينيه بالزيت وترص قطع الفراخ الملفوفه في الصينيه وتوضع في الفرن حتي تمام التسويه.
• يجهز ف طبق بيضه وفي طبق اخر البقسماط والفيجتار ويوضع اناء به زيت غزير علي النار وتوضع قطع الفراخ ف البيض ثم في البقسماط والفيجتار ثم توضع في الزيت حته تاخد لون دهبي ثم توضع علي مناديل مطبخ لامتصاص الزيت.
• تقدم مع المكرونه بالصلصه او مع العيش الفينو مع الكاتشاب والمايونيز.

وصفات طبخ (النجرسكو)وصفات طبخ

المقادير:
• مكرونه اقلام.
• للفراخ:(صدور فراخ مخليه مقطعه قطع صغيره-بصله مفرومه-مشروم قطع -ملح -فلفل اسود-جوز الطيب -زيتون اسود).
• للبشاميل:(٢كوب حليب- معلقه سمنه -دقيق-ملح).

طريقه التحضير:
• تسلق المكرونه وتوضع جانبا.
• يوضع القليل من الزيت في طاسه علي النار ثم توضع البصله المفرومه وتقلب قليلا ثم يوضع قطع المشروم وتترك علي نار هادئه لدقائق.
• توضع قطع الفراخ علي المشروم ويوضع الملح والفلفل الاسود وجوز الطيب المبشور وتقلب وتترك حته تمام التسويه ثم في النهايه يوضع الزيتون الاسود ترفع من علي النار وتوضع جانبا.
• في اناء عميق يوضع اللبن ومعلقه السمنه والملح ويترك حتي الغليان وفي طبق جانبي نضع الدقيق ونذوبه بالماء وعند غليان اللبن يوضع الدقيق المذوب بالماء بهدوء ويقلب سريعا حتي لاتتكون الكتل ونتوقف عن وضع الدقيق عندما يصبح القوام كثيفا ثم يرفع من علي النار ويترك جانبا.
• في صينيه فرن نقلب المكرونه والفراخ بالمشروم والقليل من البشاميل ويسوي وجهها ثم يوضع علي الوجه باقي البشاميل وتدخل في الفرن لكي يحمر الوجه بالشوايه وتقدم وبالهناء والشفاء.

وصفات طبخ (كبسه الفراخ)

المقادير:

• ٢كوب ارز.
• ٢كوب ماء.
• فرخه مقطعه قطع صغير.
• بصله مفرومه.
• ملح.
• فلفل اسود.
• كاري.
• كركم.
• ورق لوري.
• مستكه وحبهان.

طريقه التحضير:

• يوضع القليل من الزيت في حله علي النار ثم توضع البصله المفرومه وتقلب قليلا حتي تصل للون الدهبي.
• توضع قطع الفراخ حتي تكتسب لون ثم توضع جميع التوابل والبهارات وتترك الفراخ حتي تصل الي نص التسويه.
• يوضع الماء علي الفراخ ثم الارز ويترك علي نار عاليه حته الغليان ثم تخغض النار ويترك حتي تمام التسويه وبالهناء والشفاء.

وصفات طبخ (فراخ مشويه بالخلطه)

المقادير:

• فرخه مقطعه اربع قطع.
• للتبيله:(ملح -فلفل اسود -بصله زنجبيل -معلقتين صلصه -بابريكا).

طريقه التحضير:

• توضع جميع مكونات التبيله في الكبه وتوضع علي قطع الفراخ.
• يوضع القليل من الزيت في صينيه فرن وترس الفراخ وتدخل الفرن وتترك حتي تمام التسويه وبعدها توضع تحت الشوايه لتحمير الوجه وبالهناء والشفاء.

وصفات طبخ (رولات الدجاج بالفريك)وصفات طبخ

المقادير:

• صدور دجاج مخليه ومقطعه شرايح رفيعه.
• للتبيله الفراخ:(ملح – فلفل اسود -كركم -زبادي-توم مفروم -ليمون _معلقه خل).
• للفريك:(كوب فريك- بصله مفرومه-ملح -فلفل اسود -كاري -كركم ).

طريقه التحضير:

• تقلب مكونات التبيله وتوضع شرايح الفراخ وتترك لوقت في التبيله.
• يغسل كوب الفريك ويوضع قليل من الزيت في حله ويوضع البصل المفروم وتقلب قليلا ثم يوضع الفريك ويقلب قليل ويوضع الملح والفلفل الاسود والكاري والكركم ويقلب قليلا ثم يوضع ٢كوب من الماء ويقلب جيدا.
• ويترك علي نار عاليه حتي الغليان ثم تخفض النار حتي تمام التسويه.
• تفرد شريحه الفراخ ويوضع بداخلها معلقه من الفريك وتلف جيدا ويمسك طرفها بسلاكات الاسنان وهكذا حتي تنتهي من كل الشرايح.
• ترص رولات الفراخ في صينيه وتوضع في الفرن حتي تمام التسويه وبالهناء والشفاء.

اسراء حامد مقالات الكاتب

اكتب تعليق