أفلام مصرية بين كومبارسات منسية و أدوار تانية و ثانوية أو بطولات مخفية-الحلقة التاسعة
أفلام مصرية و شخصيات جديدة هنشوفها في الحلقة التاسعة.
الناس دي عملت من أفلام مصرية عادية رموز للسينما المصرية.
اللي شارك في أفلام مصرية بأدوار بسيطة و لكن مؤثرة في الأحداث هما دول الجنود المجهولين في الفن.
و استكمالا لما بدأناه…….
161) خليل مرسي (1946-2014):
خليل مرسيخليل مرسي خليل سلطان, بكالريوس زراعة زي شعبان حسين و كمل بعدها فنون مسرحية و عمل معاه يوميات ونيس كمان.
من أفلامه: امراة هزت عرش مصر,اوقات فراغ, الامبراطور, بليه و دماغه العاليه و مهمة في تل ابيب و…….
ده غير عدد لا حصر له من المسلسلات على رأسها: راجل و ست ستات, المراغي, فارس بلا جواد, الامام الشافعي و خلف الله…….
162) يوسف عيد (1948-2014):
يوسف عيدصوته في الموال كأنه مغني محترف. “مدرس رياضيات و مدرس فرنساوي لحد ما ييجي مدرس فرنساوي” جملته الشهيرة في الناظر مع علاء ولي الدين.
من مواليد الجمالية بالقاهرة.
أفلام مصرية في منتهى الجمال و أدواره ضحك في ضحك منها: زهايمر, آسف على الازعاج, الحرب العالمية التالتة, بوبوس و رمضان مبروك أبو العلمين و……
انتهى الدرس يا غبي من اهم اعماله مع صبحي.
163) أحمد خليل:
أحمد خليلعرفناه و هو كبير في السن شوية من خلال مسلسل امرأة من زمن الحب أو بمعنى أصح ده الدور اللي قربنا له أوي.
أحمد محمد خليل ابراهيم من مواليد بلقاس دقهلية. خريج معهد السينما.
قدم كتير للتليفزيون زي:
حديث الصباح و المساء, هوانم جاردن سيتي, الركين, رد قلبي, من الذي لا يحب فاطمة و مسلسل الباب في الباب اللي أبدع فيه في الكوميديا.
164) محمود أبو زيد (1936-2013):
محمود أبوزيدخليل البخيل مع ونيس هو أشهر أدواره
. من مواليد شبرا
هو المعلم جزر في لصوص لكن ظرفاء و عمل كمان : 30 يوم في السجن, ميدو مشاكل, كده رضا (أبوهم), فيفا زلاطه و المسافر.
للتليفزيون: العار, تامر و شوقية, أحلام الفتى الطائر و العار.
للمسرح الاكتر مع صبحي ونيس, وجهة نظر, لعبة الست و سكة السلامة.
165) سيد عبد الكريم (1936-2012):
سيد عبدالكريمالمعلم زينهم السماحي بتاع ليالي الحلمية. أستاذ في كلية الزراعة في الاصل و حاصل على الدكتوراه.
سيد حلمي عبدالكريم من مواليد الاسكندرية. شارك في زيزينيا بدور جميل هو دور عزوز أبو شامه, أميرة في عابدين, جمهورية زفتى, خالتي صفيه و الدير في دور خادم الكنيسةو امرأة من زمن الحب.
من أفلامه: المهاجر, كتيبة الاعدام.
166) عبد المنعم سعودي (1904-1968):
عبدالمنعم سعودينفتكر له دور المأذون و الرجل الريفي اللي أداهم في عدد من أفلامه.
أفلام مصرية: أرض النفاق, الحرام, رابعة العدوية و ألمظ و عبده الحامولي.
167) أحمد ماهر:
أحمد ماهر“يا ماما يا ماما تعالي خدوني يا ماما أنا بعيط يا ماما” كده انت اكيد افتكرته ودي كانت أشهر جمله قالها في فيلم مطاردة غرامية.
طب فاكره لما قال “شت يور فاوس” في مسرحية أنا فين و انت فين.
اسم الشهرة أحمد تيخه طبيب بيطري و هاجر لامريكا.
و من أشهر أعماله كمان المسرحية العظيمة هاللو شلبي.
168) أمين عنتر:(1925-2007):
أمين عنترصوت وقور وزن تقيل و لغد ابن زوات دي بعض الصفات الجسمانية اللي أهلته ليكون رجل أعمال أو مسئول كبير في معظم أفلامه.
اشترك في افلام زي: العميل رقم 13 و البيه البواب. و معملش مسرح نهائي.
169) أنور عبد المنعم:
أنور عبدالمنعمصوت قوي أجش ملوش حل معلم كبير.
خد عندك كده: تامر و شوقية, راجل و ست ستات, طباخ الريس, دبور, كده رضا و وش اجرام…….
170) حسن الهلالي:
حسن الهلاليهو صاحب أطول شنب بالنسبه لنا على مر الزمن حوالي 70 سم, شنب يقف عليه الصقر زي ما بيقولو.
حداد و بحراوي في الاصل. عرف عنه انه تفريبا مبيفوتش جنازة حد من الفنانين الا لما يروحها.
اشترك في بعض الاعمال : بوحه, درس خصوصي, التجربة الدنماركية و همام في امستردام.
171) جمال رمسيس (1921-2001):
جمال رمسيسهو أخو ميمو رمسيس. مصري من أصل اوروبي (أم ايطالية).
بيقولو انهم ولاد رمسيس نجيب و الله أعلم. من مواليد شبرا.
عمل 3 أفلام مصرية. و أهم دور فيهم لوسي ابن طنط فكيههفي فيلم اشاعة حب و مشاكساته مع العبقري يوسف بك وهبي.
172) أحمد عبد الهادي (1938-2012):
أبدع في دور اليهودي مع رأفت الهجان و في دور رجل الاعمال في الواد سيد الشغال.
عمل كمان دموع في عيون وقحة دور اليهودي و مسرحية الزعيم. و كان اشتغل كمعيد في معهد الفنون المسرحية.
افلامه: حوش اللي وقع منك, سهر الليالي, ليلة القبض على بكيزة و زغلول و فيلم ستوب اللي كمان كان فيه يهودي.
173) الطوخي توفيق (1925-1984):
الطوخي توفيقأخو الفنانة سميحة توفيق. كان والده صاحب سيرك.
انت شوفته في أفلام مصرية كتير زي ابن حميدو, رصيف نمرة خمسة و فيفا زلاطا
اشتغل في تصميم المعارك في افلام كتير زي: البحث عن متاعب.
174) بشارة واكيم (1890-1949):
بشارة واكيمشخصية معروفة لنا من أفلام ليلى مراد زي قلبي دليلي , بنت الفقراء و بنت الاغنياء.
مصري الجنسية ينحدر من اصول لبنانية مواليد الفجالة. خريج مدارس فرنساوي و كمل بعدها حقوق.
عشان يقوي نفسه في اللغة العربية حفظ القرآن الكريم بالرغم من مسيحيته.
من قصصه كمان انه لما حلق شنبه عشان أحد المشاهد طرده أخوه الكبير من البيت.
بشارة متجوزش و عاش عازب بعد رفض ماري منيب انها تتجوزه.
و كمان لانه كان خايف من الزواج من دعوة امه عليه بان ربنا يبليه في جوازته كل ما تزعل منه.
كون بشارة فرقة خاصة به بعد ما اشتغل الأول مع جورج أبيض و يوسف وهبي.
له اكتر من 100فيلم منها كمان: لعبة الست, حسن و مرقص و كوهين مجد و دموع, غرام و انتقام, الفرسان الثلاثة, برسوم يبحث عن وظيفة و الفلوس.
في أثناء أحد العروض مع الريحاني ضغطه ارتفع و أصيب بالشلل و مات بعدها بفترة أثناء قراءة أحد السيناريوهات في بيت أخته اللي كان عايش معاها.
175) حمدي سالم:
حمدي سالمبيفكرني بحسين أبو حجاج مشعرف ليه. تركيبة جسمه ضخمة هو كمان و شنبه مش صغير خالص.
و بالتالي كان يطلع صعيدي, شرير او واحد بيضرب في معظم أدواره.
من مسلسلاته: ألف ليلة و ليلة, بوابة الحلواني و القضاء في الاسلام.
و من افلامه:ليلة عسل, اللعب مع الكبار, الحرافيش و الهلفوت.
و لكن من اهم اعماله انت اللي قتلت بابايا مع شويكار و فؤاد المهندس.
176) عبد العزيز أحمد (1897-1964):
عبد العزيز أحمدعمل في مجلس المدينة بالاسكندرية في بداية حياته على الرغم من انه مواليد القاهرة.
و عمل مع جورج أبيض و سلامة حجازي. كان من الناس الطيبين المغلوبين على أمرهم في السينما.
ألف بعض الأغاني و كمان أخرج مسرحيات منها عشم إبليس و كتب سيناريوهات زي فيلم كازينو اللطافة.
من افلامه: يوم من عمري, درب المعابيل, أمير الانتقام و سي عمر.
177) محمد يوسف (1928-2004):
محمد يوسفالمعلم شكل هو اسمه الاشهر على الاطلاق و ده كان دوره في البرنامج الاذاعي ساعة لقلبك.
دور كمان مميز جدا له هو مسرحية الدخول بالملابس الرسمية مع اعاد يونس و أبو بكر عزت.
أفلام مصرية جميلة و كتيرة زي: حماتي ملاك,يا مهلبية يا, النوم في العسل, همام في امستردام, عبود على الحدود و خالتي فرنسا…….
من المسلسلات اللي شارك فيها: أبو العلا 90 و أوبرا عايدة.
178) عباس فارس (1902-1978):
عباس فارسهو العز بن عبدالسلام في فيلم واإسلاماه. صوته خشن أجش مميز و ده كان العلامة المميزة له عند الناس.
و هو كمان أبرهة الاشرم في حملة أبرهة على بيت الله الحرام.
تراجيدي كبير و شرير أستاذ و معلم لو حب يلعب كوميديا.
من مواليد المغربلين. اعتنق الصوفية و تزوج من انجليزية أعلنت اسلامها و لما ماتت تزوج من اختها اللي أعلنت اسلامها هي كمان.
من فرقة جورج أبيض لفرقة الريحاني و منها للقومية و عمل مسرحيات منها: 30 يوم في السجن و حسن و مرقص و كوهين.
أفلام مصرية: الزواج على الطريقة الحديثة, ليلى بنت الشاطئ, ليلة غرام, البؤساء و بنت النيل.
179) سلامة الياس (1911-1994):
سلامه الياسعمرك ما كنت تتخيل انه يهودي الاصل! ده مصري قلبا و قالبا! الجواهرجي افتكرته؟
ده بقا بتاع عودة أخطر رجل في العالم, سفاح النساء, انت اللي قتلت بابايا و العتبة جزاز.
اشتغل مع المهندس في أنا و هو و هي و أنا فين و انت فين ده غير لوكاندة الفردوس و السكرتير الفني و …..
180) عبدالغني قمر (1921-1981):
عبدالغني قمراسكندراني بدأ بالشغل في الجمارك.
عيلته فيها فنانين كتير لان أخوه السيناريست بهجت قمر والد المؤلف المعروف أيمن بهجت قمر و كمان على درجة قرابه بالفنان مصطفى قمر.
مخرج, ممثل و مؤلف و كمان سياسي معارض لمعاهدة كامب ديفيد.
و بعد معارضته للسادات سافر العراق و عمل اذاعة هناك باسم صوت مصر
العروبة لمهاجمة السادات و حكومته. و توفى هناك.
اشترك في اعمال كتير منها الرسال (أمية بن خلف). من اعماله الدينية الاخرى رابعة العدوية.
عمل دور الدجال المشهور في فيلم اسماعيل يس في مستشفى المجانين و عمل كمان أفلام مصرية زي:
30 يوم في السجن في دور النجعاوي, ورد الغرام, احنا التلامذة, آمنت بالله و بنات حواء.
181) عز الدين اسلام:
عزالدين اسلامطيب و لذيذ و خفيف الظل و لازم تحبه و تحس بكده أول ما تشوفه. مدير المستشفى في اسماعيل يس في مستشفى المجانين.
في مسرحية سيدتي الجميلة كان الراجل اللي السلم بتاعه اتسرق و كل شوية يدور عليه.
من اعماله كمان: لوكاندة المفاجآت, كل دقة في قلبي و لا وقت للحب.
182) سامي سرحان (1930-2005):
على عكس أخوه فتى الشاشة شكري سرحان ظهر سامي
سامي سرحانسرحان في كتير من الأوقات في أدوار الشر.
عمل مجموعة من أفلام مصرية كوميديه منها: رمضان فوق البركان, الواد محروس بتاع الوزير, الناظر, فول الصين العظيم و الارهاب و الكباب.
“جرى ايه يا صلاح هو أنا بتاع كشري” “يعني هنشوفم هنشوفك” “بص يا صلاح يا ابني أنا موافق أنا موافق” من أكتر الافيهات اللي علقت مع الناس من فيلم الناظر.
عمل مع فؤاد المهندس مسرحية هالة حبيبتي.
و من أدواره الشريرة المارد, القط الأسود و صاحب الجلالة.
تم اتهامه في قضية مخدرات و دخل فيها السجن لفترة قصيرة. اسمه الحقيقي أمين سامي الحسيني سرحان.
عمل مع أخوه فيلم الحقيبة السوداء و معاهم نعيمة عاكف.
و طبعا كان من أجمل أدواره فيلم فول الصين العظيم اللي أثبت فيه انه كوميديان خطير.
و اللي كان من أشهر افيهاته فيه “ما علينا” “يا جدع يا جدع” “الله يرحمك يا زلطة, آخر رصاصة ضربها ردت فيه جت في صدره قتلته”.
183) غسان مطر (1938-2015):
غسان مطر“اختراع يا كوتش” “اعمل الصح” بصوت خشن كده يظهر علينا يرعبنا و هو بيقولها من غير ما يقصد.
هو الشرير عرفات داوود حسن المطري الفلسطيني الأصل نائب رئيس اتحاد الفنانين العرب.
واحد من أروع من قاموا بأدوار الشر و ساعده على كده ملامحه الجامدة و صوته الغليظ اللي فعلا يخوفك و انت قاعد.
منساش أبدا أصله الفلسطيني و عمل بعض الافلام الخاصة بكفاح الشعب الفلسطيني مثل: الفلسطيني الثائر و كلنا فدائيون.
و من افلامه كمان: أنا و العذاب و هواك, فتاة من اسرائيل, الشيماء, الطريق الى ايلات و بركان الغضب.
اتجه في السنوات الأخيرة للأفلام الكوميدية و اللي أجاد فيها جدا و لا كأنه عمل أدوار الشر قبل كده و ده في حد ذاته شيء من التميز.
من الافلام دي: أمير البحار, مستر آند مسز عويس, توم و جيمي, عوكل, العيال هربت و شبه منحرف.
من المسلسلات التاريخية: الفرسان, الأبطال و أبو حنيفة النعمان. و اشتغل كمان كوميدي: الكبير أوي, راجل و ست ستات و الرجل العناب…..
أصيب بسرطان المعدة اللي تسبب في وفاته.
184) مظهر أبو لنجا (1941-2017):
مظهر أبوالنجا“يا حلاوة” الافيه الاكثر شهرة عند الناس عن مظهر أبو النجا.
من مواليد المنصورة. ظهر في كل أفلامه تقريبا بدور القروي السازج.
شهرته معظمها مع محمد نجم في المسرح: عبده يتحدى رامبو, الكدابين أوي و عش المجانين.
من افلامه: احنا بتوع الاتوبيس, رجب فوق صفيح ساخن, رمضان مبروك ابو العلمين و حسن و بقلظ.
رحم الله الكوميديان الجميل مظهر أبو النجا الذي توفى بعد اصابته بالفشل الكلوي عام 2017.
185) محمد أبو الحسن (1937-2014):
محمد أبوالحسنمن الكوميديانات اللي ياما اسعدونا على الشاشة.
من أجمل أدواره كانت مسرحية سك على بناتك لما كان جوز سناء يونس و “قال ايه بيعديني” في دور حنفي مع الكبير فؤاد المهندس.
من مواليد القاهرة و خريج زراعة. شارك كمان في بعض المسرحيات التانية زي المتزوجون.
من الافلام اللي شارك فيها: مجرم رغم أنفه, مجانين على الطريق, حسن بيه الغلبان و نص دستة مجانين.
و من المسلسلات: المال و البنون و الوسية.
أصيب بمرض في عضلة القلب و احتاج يعمل جراحة قلب مفتوح.
طبعا بعد مرضه بدأ انتاجه الفني يقل تدريجيا لدرجة انه بعت مرة لمعنز الدمرداش رسالة بتقول “انا الفنان محمد أبو الحسن فنان سابق و متسول حاليا”.
186) المنتصر بالله:
المنتصرباللهظهر المنتصر بالله مع كتير من نجوم الكوميديا في الافلام و المسرحيات و ياما ضحكنا أكتر منهم.
من مواليد عام 1950 و اسمه بالكامل المنتصر بالله رياض عبد السيد.
نفتكر له طبعا دوره مع محمد صبحي في فيلم الشيطانة التي أحبتني و كمان دوره في مسرحية علشان خاطر عيونك مع فؤاد المهندس.
عمل مثلا يا تحب يا تقب مع فاروق الفيشاوي و عمل كمان ضد الحكومة مع أحمد ذكي.
و من المسلسلات أنا و انت و بابا في المشمش, شارع المواردي, أرابيسك و أبناء و لكن.
تقاعد الفنان الجميل المنتصر بالله عن العمل الفني بعد اصابته بجلطة في المخ.
اترك تعليقاً