أفلام مصرية بين كومبارسات منسية و أدوار تانية و ثانوية أو بطولات مخفية-الحلقة الثالثة
هنكمل الحكاية عن أفلام مصرية لها تاريخ و نتكلم عن مجموعة تالتة من كومبارسات السينما المصرية و أصحاب الأدوار التانية.
41) محمد صبيح:
محمد صبيح“أكلم مين لما أحب أخاطب شعب مصر” من أشهر الافيهات في تاريخ السينم>كان صاحبه هو كتبغا أو الفنان الرائع محمد صبيح في فيلم واإسلاماه اللي يعتبر واحد من أفلام مصرية خالدة.
تميز صبيح بشيء من قسوة الملامح خلاه مؤهل لأداء أدوار الشر ببراعة.
عمرك ما كنت تتخيل ان هو اللي عمل دور المومياء في فيلم اسماعيل يس “حرام عليك”.
من أعماله كمان صراع في المينا, المليونير و عفريته هانم.
ده غير دور البدوي جوز بياعة اللبن في فيلم للرجال فقط بتاع حسن يوسف و سعاد حسني و نادية لطفي.
42) منى عبدالله:
منى عبد اللهكانت من الوجوه الجميلة جدا في السينما. بدأت العمل الفني في السبعينيات.
ممكن تفتكر لها دور الممرضة في فيلم المشبوه. من أدوارها كمان فيلم حبيبي دائما, بنت اسمها محمود و البنات عايزة ايه.
43) أحمد شوقي (1928-1984):
أحمد شوقيكان رجول وقور كده في نفسه و عمرك ما شفته في دور غير كده.
و هو فعلا رجل تربوي كان وكيل وزارة بالتربية و التعليم. من مواليد بني سويف.
من مؤسسي فرقة المسرح الحر و اشتغل كتير على اكتشاف المواهب من المسارح المدرسية.
طبعا كلنا فاكرين له دور الظابط في اسماعيل يس في البوليس و من ادواره المميزة في الاذاعة دور الاستاذ عزمي في عيلة مرزوق.
توفي باحدى الاستديوهات بدبي أثنا تصوير مسلسل الشيطان و الحب.
44) مني بنت آسيا داغر (1923-200):
منى- أفلام مصريةمنعرفش بالظبط اسم الأب لكن نعرف انه لبناني الأصل و هي بنت المنتجة الكبيرة آسيا داغر. و اسمها الحقيقي إلين.
كانت دايما تظهر في دور البنت الحقودة اللي بتغير من البطلة.
من اعمالها نشالة هانم, شاطيء الغرام, ساعة لقلبك, قدم الخير و آمال.
45) نصر سيف (1933-2011):
نصر سبفصلعته كانت علامة مميزة جدا. و كان دايما يظهر في دور شرير قوي بنظرة حادة و مخيفة.
خريج كلية آداب اسكندرية. اشتغل فترة كمحصل كهربا.دخل الفن عن طريق المخرج نيازي مصطفى.
طبعا من أدواره المشهورة جدا مسرحية شاهد مشافش حاجة لما كان بيقول “ينصر دينك يا استاذ خليفة”.
له اعمال كتير مميزة منها أحلام الفتى الطائر, عصابة حمادة و توتو, انا اللي قتلت الحنش و 30 يوم في السجن.
46) ماري كويني (1913-2003):
ماري كوينيتعتبر ماري بطرس يونس من جميلات السينما المصرية.
متعتبرش كومبارس و لا من اصحاب الادوار التانية لكن في كتير ميعرفوش عنها حاجة.
ابوها كان مزارع لبناني و لما مات جت مصر مع خالتها المنتجة آسيا داغر.
آسيا صاحبة أكبر شركات الانتاج في الزمن ده “لوتس” بشعارها المميز اللي كنا دايما نشوفه في تترات أفلام الابيض و الاسود.
اشتغلت مونتيرة و مركبة أفلام مصرية كتير بجانب التمثيل.
تزوجت من المخرج و المؤلف أحمد جلال. و هي أم المخرج نادر جلال.
أنتجت أفلام زي اسماعيل يس في جنينة الحيوانات, المليونير الفقير و ابن النيل. مثلت في أفلام زي الزوجة السابعة و حرم الباشا.
47) علي الشريف (1934-1987):
علي الشريفملامح جامدة و صوت أجش دول كانوا من أهم سماته. خريج كلية تجارة. بدأ حياته موظف في بنك.
اكتشفه يوسف شاهين لما قابله صدفة في زيارة حد من أصدقاءهم و خدو معاه في فيلم الأرض.
سبق و اعتقل في قضية قلب نظام الحكم في الستينيات.
اعماله كتير أوي و كان له دور مميز أوي باسم بكري مع عادل امام كبواب مدرسة في فيلم الانسان يعيش مرة واحدة.
ومنها كمان العذاب امرأة, كراكون في الشارع و خلي بالك من جيرانك.
أما عن وفاته فزوجته بتحكي انه لما رجع بالليل كان بيقرا كتاب عن استشهاد الحسين و انفعل معاه.
طلب منها متروحش الشغل و لا الولاد يروحو المدرسة و قبل وفاته لقيته بيقول الشهادة و يكمل بعدها يا حسين مدد جايلكم يا أهل البيت.
48) نجمة ابراهيم (1914-1976):
نجمة ابراهيممن أشر سيدات السينما بملامحها الجامدة و نظراتها المرعبة و عشان كده نجحت باقتدار في تمثيل دورها في ريا و سكينة.
كان ليها جملة مميزة و مشهورة في الفيلم ده “الولية عضت ايدي و أنا بخنقها تقولش عدوتها” و كمان جملة “محدش بياكلها بالساهل”.
ده غير جملة تانية في منتهى القسوة و الاستفزاز اللي قالتها لابنها في فيلم اليتيمتين “حتى أنت يا أعرج بتحب”.
من أسرة مصرية يهودية. في ناس بتقول ان ده اسمها الحقيقي و ناس بتقول ان اسمها الحقيقي “بوليني أوديون”.
اشتغلت الأول بالغنا و بعدها التمثيل و بدأت في فرقة بديعة مصابني.
في بعض الاقاويل بتقول انها أشهرت اسلامها من خلال وثيقة اشهار موقع عليها من وكيل الأزهر.
مش كده و بس ده كمان كانت بتعمل حلقات تصوفية اسبوعيا.
كانت من أنصار ثورة 23 يوليو و اتبرعت لتسليح الجيش المصري وقتها.
من أهم أفلامها أنا الماضي, عايدة و أربع بنات و ظابط.
49) فاخر فاخر (1912-1962):
فاخر فاخرهو أبو الفنانة هالة فاخر. من مواليد أسيوط. تميز في دور وكيل النيابة و كان فعلا اداءه مقنع جدا أثناء التحقيقات.
و برع في أدوار الشر . من اعماله الفنية اليتيمتان, مغامرات اسماعيل يس, رصيف نمرة 5, صلاح الدين الايوبي و عنتر ابن شداد.
توفى اثر اصابته بذبحة صدرية عام 1962.
50) هدى عيسى (1929-1996):
هدى عيسىمن الناس المحترمة جدا في تمثيلها و كانت ممثلة قديرة في جميع الأدوار اللي قدمتها.
كانت مفتشة مسرح بالترية و التعليم. لها دور مميز جدا في ليالي الحلمية و كذلك في ضمير أبله حكمت مع النجمة فاتن حمامة.
من أفلامها كمان هجرة الرسول. و عملت دور مرات أخو فريد شوقي في البخيل و أنا.
51)حسين اسماعيل (1915-1974):
حسين اسماعيللو تفتكر الساعي في فيلم مراتي مدير عام بتاع شادية هو ده الساعي.
و لو تفتكر مساعد دكتور الحمير رشدي أباظة في فيلم آه من حواء اللي كان اسمه زنفل هو ده.
فاكر كمان الطباخ في فيلم أم العروسة هو ده يا سيدي حسين اسماعيل. كان كوميديان صاروخ.
أخو الفنان عبدالمنعم اسماعيل اللي اتكلمنا عنه قبل كده.
يظهر جزار, حلاق, معلم كان ممكن يعمل كل حاجة و لكن من أبرز الشخصيات اللي عملها شخصية الشاويش.
52) فتحية طنطاوي:
فتحية طنطاويكانت دايما مغلوب على أمرها و ست مكافحة لكن لو حبت تبقا شريرة هتعمل الدور على أتم وجه.
من مواليد السويس 1943 و هاجرت للمنصورة بعد حرب 67. كانت في دار المعلمات قسم الموسيقى بالسويس.
عملت أفلام مصرية تقيلة جدا زي الطوق و الأسورة, دم الغزال, انتهى الدرس يا غبي و ديل السمكة.
و كمان الدراما كان لينا حظ نشوفها فيها: البخيل و أنا, عباس الأبيض, الليل و آخره و سوق العصر.
و كمان مننساش البرنامج الاذاعي الى ربات البيوت و كذلك المسلسل الاذاعي من أغرب القضايا.
ربنا يطول في عمرها و تمتعنا كمان و كمان.
53) نبيل بدر (1937-1988):
نبيل بدرمن مواليد المنوفية. تخرج بدر من كلية الحقوق. كان دايما كوميديان جميل.
اشتغل الأول بمؤهله كمحامي بوزارة الثقافة قبل ما يقتحم عالم الفن
أول ما هتشوفه هتفتكر دوره في رأفت الهجان لما كان بيعمل دور الخواجة اليهودي سوسو ليفي و طبعا خلي بالك من زوزو.
من اعماله الجميلة كمان فيفا زلاطا, و بالوالدين احسانا, القطط السمان و قيدت ضد مجهول.
من المسلسلات هو و هي و اللقاء الثاني.
تزوج في أواخر أيامه لكن مكنش له أولاد من هذا الزواج و اصيب بأمراض في القلب أدت لوفاته سنة 1988.
54) بدرية عبدالجواد:
بدرية عبد الجوادمن مواليد 1948. كنت لما تشوفها على الشاشة تحس انها جدعة و بنت بلد و تميزت فعلا في أداء الشخصية دي.
ظهرت في دور الخادمة عند البهوات كتير أوي.
شاركت في أعمال كتير جدا منها على سبيل المثال:
حافية على جسر الذهب,, خلي بالك من جيرانك,العار, على باب الوزير, تزوير في أوراق رسمية, ليلة القبض على فاطمة و حب في الزنزانة.
و من مسلسلاتها: هو و هي, البخيل و أنا, نصف ربيع الآخر و ليالي الحلمية.
55) محمد الأدنداني:
محمد الادندانيمن الوجوه السمراء اللي طلت علينا في أفلام مصرية كتيرة.
بدأ حياته بوظيفة في الشركة الشرقية للدخان. نوبي الأصل و الاسم مشتق من قرية أدندان النوبية.
ظهر دايما في دور الخادم أو السفرجي أو البواب في معظم أفلامه تقريبا. من افيهاته المشهورة “اركب الهوا”.
شارك في عدة أعمال منها أربعة في مهمة رسمية, البيه البواب و مسلسل حكاية ميزو و مسرحية عش المجانين و مسلسل الراية البيضا.
56) فاطمة الكاشف:
فاطمة الكاشفوجه سينمائي جميل أطل علينا في الثمانينات. هي زوجة الفنان القدير جمال عبدالناصر. و بنتهم المغنية و الممثلة ياسمين جمال
من أدوارها الجميلة جدا “زوبة” أخت محمد هنيدي اللي كانت بتحاول تشاغل المدرس بتاعه لحد ما خطبها في البخيل و أنا.
من الاعمال التليفزيونية البراري و الحامول, يوميات ونيس, عمر بن عبدالعزيز و أحلام مؤجلة.
و من الأفلام حل يرضي جميع الأطراف و فوزية البرجوازية.
57) إدمون تويما (1897-1975):
ادمون تويماجواهرجي السينما المصرية اللطيف أبو دم خفيف.
اسمه بالكامل يوسف إدمون سليم تويما. من أصل لبناني. كان مدرس فرنساوي في الأساس.
و مثل أكتر من شخصية غير الجواهرجي منها مدرس الفرنساوي, مدير اللوكاندة و الخواجه.
بدأ حياته في فرقة رمسيس و بعدها في الفرقة القومية.
كان شخصية مهمة في عالم الفن لاجادته اللغة الفرنسية من حيث الاقتباس, الترجمة, المراجعة و التمصير.
مش كده و بس ده كمان ألف أفلام مصرية زي نشيد الامل لسيدة الغناء العربي أم كلثوم و كان أخرج فيلم اسمه كله الا كده..
من أفلامه: الأيدي الناعمة, شارع الحب, شاطيء الغرام, العتبة الخضراء و دعاء الكروان.
58) محاسن النجدي:
محاسن النجديدخلت التمثيل كبيرة سنا و دايما كانت تيجي في دور الست العجوزة الغلبانة و الشعبية أو الفلاحة.
ليها أدوار في بعض المسلسلات زي نونه المأذونة, افراح ابليس و للثروة حسابات أخرى.
من أفلامها النوم في العسل, الارهابي, يا دنيا ياغرامي و فيلم هندي.
59) مختار السيد (1930-1999):
مختار السيدأحد ظباط السينما هو كمان. اشتغل في الفن لمدة حوالي 40 سنة. بدأها في الخمسينات.
من أبرز أدواره الراقصة و الطبال, السجينة و سواق الهانم و مسلسل السبنسة.
60) ليلى حمادة:
ليلى حمادهخريجة اقتصاد و علوم سياسية اللي كانت من فاتنات السينما المصرية. أخت الفنانة ماجدة حمادة. مواليد القاهرة 1951.
بدأت العمل الفني كطفلة لما قدمتها ماما سميحة و هي عندها 5 سنين في برامج الأطفال.
كان لها دور جميل جدا في امبراطورية ميم و اللي قدمها لنا فيه رمسيس نجيب.
و دور تاني مميز في مسلسل الشهد و الدموع.
قدمت سينما نظيفة بدون اي اغراء و دايما كانت الفتاة الرقيقة في الافلام.
قامت ببطولة أفلام مصرية زي المغنواتي مع شكري سرحان و شاركت كمان في اسكندرية ليه و حدوته مصرية .
اترك تعليقاً