يارب تفضل حلاوة سلام أول لقى فى إيدينا

حلاوة سلام أول لقى ….

البدايات دائماً رائعة ،مليئة بالحماس والشغف والأمل.

كل بداية عام دراسى جديد .. بقول أنا هذاكر من الأول ، ومش هخلى المواد تتراكم علياّ ..

لكن هذا فى البداية فقط .

فى بداية علاقة جديدة (صداقة ، حب ) تكون الدنيا وردى مليئة بالأمل والتفاؤل ، والحياة حالمة

.. ثم ….. إنها فقط البداية .

فى بداية عمل جديد …أنا هكسر الدنيا وهشتغل كويس جداً ، لازم أثبت نفسى  .. إنها فقط البداية .

فى بداية تعلمك لشئ جديد ، تريد أن تتعلم لغة جديدة.

فى البداية يوجد حماس منقطع النظير.

أنا هوصل لمستوى متقدم فى اللغة خلال أول ستة أشهر ، هذاكر كل يوم 6 ساعات ..ثم ماذا ؟ .. إنها البداية فقط أيضاً .

أنا لازم أخس .. لازم أوصل للوزن المثالى ؛ هعمل دايت وهامشى عليه .. انها البداية …

 ثم يدخل بعد ذلك الروتين والملل والزهق ثم الإحباط ولوم النفس.

(أنا فاشل ، مش نافع فى أى حاجة )  وأشياء أخرى .

لماذا لايستمر هذا الحماس ؟! لماذا نمل ؟ لماذا نحبط ؟  لماذا لا تظل حلاوة سلام أول لُقى فى ايدينا ؟!



أعمل أيه أنا دلوقتى ؟

طب أنا أعمل أية دلوقتى ، أنا واقف فى النص ،ماليش نِفس أكمل.

خلاص ماعنديش قابلية إنى أكمل ، وكمان كل حاجة متراكمة علياّ ؛ المواد متراكمة.

اللى تعلمته نسيته ، الدايت كسرته ، أنا وأصحابى أو أنا وشريك حياتى مابيقناش فاهمين بعض ومابينا إختلافات كتير .

إحنا ولاد النهاردة

اللى عدى خلاص هرجعه ازاى يعنى ، كل ما املكه إنى أتعلم منه.

أنا لا أملك سوى هذه اللحظة ، الوقت الحاضر ، الماضى انتهى ، والمستقبل لم يأتى بعد.

اقرأ أيضا  كيف تحصل على درجة عالية فى الآيليتس

ما أملكه هو هذه اللحظة ، وهذه اللحظة فقط .

فلا تبكى على اللبن المسكوب .

عارف أحسن حاجة ممكن تعملها فى الحالة دى:

إنك تقوم تنّفض التراب اللى عليك وتبدأ من جديد (إحنا ولاد النهاردة ) ، ابدأ من جديد.

شوف أيه اللى فاتك وحاول تتداركه ، جَدول الأشياء المتراكمة.

لكن لاتضع نفسك تحت ضغط بحيث لا تستطيع معه فعل شيء.

كل شئ يمكن تداركه ، دائماً يمكنك البداية من جديد ؛ بكل ماتحمله البدايات من حماس وشغف وأمل.

ما المانع أن تبدأ تعلم اللغة من جديد ؛ أنا وصلت لمستوى معين ووقفت.

أرجع أبدأ من جديد وأكمل وأحس بحلاوة البداية الجديدة .

إبدأ دايت من جديد وتلافى فيه ماحدث فى الدايت اللى قبله.

تلافى التوقعات العالية والأمل المبالغ فيه ، لاتكرر الأخطاء مرة أخرى .

 دور على الأشياء المشتركة التى تجمعك بأصدقاءك أو بشريكك وقويها مرة أخرى.

تغاضى عن الخلافات ، ابحث عن الإيجابيات والأشياء المشتركة.

تذكر الأوقات الجميلة التى قضيتموها معاً ، وأعطى لنفسك فرصة بداية جديد.

بداية مختلفة ؛ أكثر فهماً؛ أكثر نضجاً ؛ أكثر اكتمالاً ؛ أكثر فرصة للنجاح والإستمرار .

تذكر الحماس الذى بدأت به.

افتكر أول يوم فى المدرسة ، أول يوم فى الجامعة ، أول يوم روحت فيه الشغل وانت مترقب ومتحمس.

أول شئ جديد تعلمته فى اللغة وكنت طاير من الفرحة.

أول مرة اتقابلت انت وصديقك فيها ، أول مرة شفتها أو شفتيه فيها.

كيف كانت تلك النظرات التى لاتنسى ، افتكر حلاوة سلام أول لقى .


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *